Олох-дьаһах хомунаалынай хаһаайыстыбаларын тэрилтэлэрин эппиэттээх үлэһиттэригэр аналлаах «Уһук Илин эрэгийиэнигэр тарыыбы сүрүннээһин: соруктар, быһаарыылар уонна сыыппараҕа көһүү» сэминээригэр өрөспүүбүлүкэ улуустарын уонна киин куорат араас тэрилтэлэриттэн үгүс эппиэттээх исписэлиис кыттыыны ылла. Бу туһунан «Саха Сирэ» суруйар.
Суолталаах тэрээһин туһунан Дьокуускай куорат “Мониторинг “ОК” ХЭУо салайааччыта Сусанна Васильева санаатын бу курдук үллэһиннэ:
— 2013 сыллаахха тэриллибит “Мониторинг “ОК” ХЭУо нэһилиэнньэни итиинэн, уунан хааччыйар, ууну ыытар тэрилтэлэр чахчыларын биир кэлим иһитиннэрэр тиһиккэ (Единая информационная аналитическая система) киллэрэн, олох-даһах хомунаалынай хаһаайыстыба салаатыгар сыыппаранан үлэни сүрүннүүр. Маны тэҥэ, буҕаалтыр, нолуок отчуотун оҥорорго көмөлөһөбүт. Өрөспүүбүлүкэ хоту улуустарыгар интэриниэт мөлтөҕө харгыстыыр. Ол иһин тэрилтэлэр биһиги оҥорор өҥөбүтүнэн хото туһаналлар. Сыыппара эйгэтигэр киирии ирдэбилигэр биһиги оҥорор өҥөбүт олус туһалаах. Бэлиэтээбитим курдук, интэриниэт мөлтөх буолан, биһиги хоту улуустары кытта дэбиэринэһинэн үлэлиибит. Ол иһин ыраах сиртэн отчуоттарын кэмигэр туттарбат түгэннэригэр, дэбиэринэһинэн наадалаах докумуоннары кэмигэр толорон, тустаах тэрилтэҕэ туттарабыт.
Олус туһалаах сэминээр, үгүһү биллим. Биллэн турар, сэминээргэ буолбут кэпсэтии, санаа атастаһыыта тустаах быһарыылары тобулуоҕа.
Елена Потоцкая. Ааптар хаартыскаҕа түһэриитэ
Өссө ааҕыҥ:
Олох-дьаһах уонна энэргиэтикэ хаһаайыстыбатын тэрилтэлэригэр тарыыбы сүрүннээһин сэминээрэ саҕаланна
Сообщение Сусанна Васильева: «Олус туһалаах сэминээр, элбэҕи биллим» появились сначала на Улус Медиа.