2026 сыл бүтүөр диэри уоппусканы балаҕан, алтынньы уонна ахсынньы ыйдарга ылар ордук. Бу ыйдарга 22-лии үлэ күнэ баар, онон уоппуска харчытын төлөбүрүгэр ночоотурар куттал суох диэн «РИА Новости» ааҕыныстыбаҕа сенатор Айрат Гибатдинов иһитиннэрдэ.
Саамай барыстаах ыйынан 23 үлэ күннээх от ыйа буолар. Уоппуска харчыта тиһэх 12 ый орто хамнаһыттан ааҕыллар. Ол иһин үлэ күнэ элбэх ыйыгар уоппускаҕа бардахха, хамнас уонна уоппуска харчытын икки ардыгар улахан уратыта суох буолар, бу үлэһиккэ олус барыстаах.
Ол эрээри түмүк суума хас биирдии киһи хамнаһыттан тутулуктаах диэн сенатор санатта. Ол курдук, уһуннук ыалдьан «больничнайга» олоруу, үлэни уларытыы, бириэмийэ эбэтэр атын төлөбүрдэр бааллара сабыдыаллыыллар. Онон барыларыгар тэҥҥэ дьүөрэлэһэр биир быһаарыы суох.