Саха сирин баһылыга Айсен Николаев Үөһээ Бүлүү оройуонугар ИДьМ улуустааҕы салаатын саҥа административнай дьиэтин тутуу хаамыытын көрдө.
Эбийиэк 58% бэлэм. Үлэҕэ киирдэҕинэ тыа сиригэр тутуллубут саамай бөдөҥ оройуоннааҕы полиция отдела буолуон сөп.
—Оройуоннааҕы полиция отделын саҥа дьиэтэ бары аныгы ирдэбиллэргэ сөп түбэһиэҕэ. Болдьоммут кэмигэр эбийиэк хайаан да үлэҕэ киирэригэр эрэнэбин, — диэтэ Айсен Николаев.
Административнай куорпуһу таһынан, үлэһиттэргэ анаан сыал ытар сирдээх (тир) успуорт саалалаах, гараастаах буолуохтаах.
Билигин тутуу былаһааккатыгар 65 киһи, сэттэ тиэхиньикэ үлэлиир. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Сиһилии: https://www.sakha.gov.ru/news/57606
Хаартыскаҕа Андрей Сорокин түһэриитэ, ЯСИА