«Үйэлээх чороон — өбүгэм ситимэ» — бырайыак
Таатта улууһун Дьохсоҕон нэһилиэгин олохтооҕо, А.К.Андреев аатынан СӨ Олох-дьаһах коммунальнай хаһаайыстыбатын музейын сэбиэдиссэйэ, фронтовик, учуутал Е.И.Васильев аатынан 5,5 тыһыынча кинигэлээх ааҕар түмэл (музей-бибилэтиэкэ) хаһаайката Галина Арылахова “Үйэлээх чороон — өбүгэм ситимэ” бырайыагы көрөн баран, сэргээн-сэҥээрэн, уура сылдьар күндү чорооннорун туһунан сырдатта.
— Ийэм Мария Поликарповна Габышева көрө-харайа сырыт диэн кэриэс-хомуруос хаалларбыт чороонноро күндүтүк саныыр, наһаа харыстыыр мааны иһиттэрим.
Бу көрөр чорооҥҥут ыһыахтарга элбэхтик туттуллубут буолуон сөп. Кымыс кутуллар, кымыһы иһиллэр өттө айаҕынан сүрдээҕин элэйбит. Хайдах эрэ өйдөөн хаалбыппынан, Мыйыкы Уус оҥоһуута буолуо дии саныыбын.
Онтон бу үс атахтаах кыра чороонум – бэлкэй чороон диэн ааттанар. Элбэхтэ туттуллубут иһит. Уйгу-быйаҥ, дьол-соргу чороонноро. Өбүгэттэн-өбүгэҕэ үтүөнү кэрэһилиир алгыстаах чорооннор. Уруккуну кытта ситимниир, ураты толкуйу биэрэр уратылаахтар.
Видеоҕа Таатта улууһун Дьохсоҕон нэһилиэгин олохтооҕо Галина Арылахова кэпсиирин көрүҥ.
Видеоҕа уһулла, хаартыскаларга түһэрдэ Изабелла Жараева.
Бэчээккэ бэлэмнээтэ Сардаана Баснаева.
Өссө сэргээҥ:
Маҥанылар мааны чороонноро
Сообщение Өбүгэлэрбит баайдара-дуоллара появились сначала на Улус Медиа.