Ил Дархан Айсен Николаев Үөһээ Бүлүү улууһугар оҕо ускуустубатын оскуолатыгар хочуолунай тутуутун хаамыытын билистэ.
Эбийиэк билигин 85% бэлэм буолбут. Сири былааннааһын, акылааты оҥоруу, хочуолунайы таҥыы, гаас уонна уот ситимнэригэр холбооһун, сирин-уотун күрүөтэ толору оҥоһуллубуттар. Билигин эбийиэги сылааһынан хааччыйар систиэмэҕэ холбооһун үлэтин түмүктээн эрэллэр. Хочуолунайы атырдьах ыйын 1 күнүгэр үлэҕэ киллэрэр былааннаахтар.
Эбийиэги көрөн баран Айсен Николаев сылааһынан хааччыйар аныгы источниктарга көһүү өрөспүүбүлүкэ хомунаалынай инфраструктуратын саҥардыы сүрүн хайысхалартан биирдэстэринэн буоларын бэлиэтээтэ.
Бырайыагы олоххо киллэрии тэрилтэни сылааһынан хааччыйыы хаачыстыбаны үрдэтиэҕэ уонна ону туһаныыга ороскуоту кыччатарга кыаҕы биэриэҕэ.
Сиһилии: https://www.sakha.gov.ru/news/57608
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, ЯСИА