Быйыл Арассыыйаҕа эмиий уонна щитовиднай былчархай искэннэрин (доброкачественные опухоли) эмтииргэ аналлаах, ханна да суох бэйэбит оҥоһукпутун регистрациялыахтара. Бу туһунан Федеральнай медико-биологическай агентство (ФМБА) «РИА Новости» ааҕыныстыбаҕа иһитиннэрдэ.
Регистрациялыыр докумуоннар Росздравнадзорга бэрилиннилэр, оттон туоһу суругу 2026 сыл бүтүөр диэри ылара күүтүллэр.
Аппараат үлэтэ ультратыастаах абляцияҕа (HIFU) олоҕурар — бу тириини тыыппакка эрэ искэҥҥэ туһулаан дьайар ньыма буолар. Туһуламмыт туочукатыгар температура биир сөкүүндэ иһигэр 90 кыраадыска диэри үрдүүр, манан искэҥ килиэккэлэрэ коагуляционнай некроз (өлүү) түмүгэр суох буолаллар. Температура уратытынан сибээстээн чөл тириилэр туох да хоромньуну ылбаттар.
Саҥа дойдубутугар оҥоһуллубут чаастартан таҥыллыбыт, тэрили оҥорон таһаарыы локализациятын таһыма 90% тахсыбыт. Аппарааты ФМБА Мэйии уонна нейротехнология киинэ «Ростех» судаарыстыбаннай корпорацияны кытта кыттыһан айбыттар.
Санатан эттэххэ, Саха сиригэр араак ыарыытын эрдэтээҥҥи стадиятыгар булуу-быһаарыы икки төгүл кэриҥэ элбээбитэ.