Бу күннэргэ СӨ бырабыыталыстыбатын бэрэссэдээтэлэ Кирилл Бычков Аллайыаха улууһугар оробуочай сырыынан үлэлии сылдьар.
“Мобильнай быыбардааччы” өҥөнү туһанан, Чокурдаах быыбардыыр учаастагар кэлэн куоластаата.
“Бүгүн Госдуума дьокутаатыгар турар хандьыдаакка уонна баартыйаҕа куоластаан гражданскай иэспин толордум. Саха сиригэр тутуллубут уонна тутулла турар социальнай эбийиэктэргэ эппиэттээх профессиональнай өттүнэн бэйэтин көрдөрбүт хамаанданы таллым. Мин көрүүбүнэн, дойдубут уонна өрөспүүбүлүкэбит дьонун-сэргэтин олоҕор чахчы үчүгэй уларыйыылары киллэрэр кыахтаах дьоҥҥо куоластаатым.
«Мобильнай быыбардааччы» өҥө көмөтүнэн, Аллайыаха улууһугар оробуочай сырыыбын тохтоппокко, Чокуурдаахха быыбардыыр учаастакка кэлэн куоласпын биэрэр кыахтанным. Бу киһи ханна баарыттан тутулуга суох конституционнай быраабын туһанарыгар табыгастаах мэхэньиисим эбит.
Госдуума быыбара — бүтүн дойдуга бэлиэ түгэн. Саха сиригэр олохтоох дьон олохторун-дьаһахтарын тупсарарга, кытыы уонна арктическай сирдэри-уоттары сайыннарарга, үгэс буолбут салаалары уонна экэниэмикэ саҥа салааларын өйүүргэ быһаччы дьайар быһаарыныылары ылынарга кыах биэрэр”, — диэн Кирилл Бычков бэйэтин МАХ ханаалыгар суруйда.