1941 сыл от ыйын 1 күнүгэр «Социалистическая Якутия» хаһыакка тахсыбыт суруйааччылар аҕа дойдуну көмүскүүргэ ыҥырар суруктара;
«Улуу Кыайыы айымньыларыгар» саха саллааттара Япония утары сэриигэ кыттыыларын туһунан М. Айалов «Киниэхэ махтаммыттара» уонна А. Давыдов «Санитарка» диэн «Хотугу сулус» сурунаалга 1947, 1948 сылларга «Хотугу сулус» альманахха тахсыбыт кэпсээннэрэ;
Поэт Хабырыыс Ондороос «Саҥа сир омоонун мин айдым…» саҥа хоһоонноро;
Кэбээйи поэта Иосиф Кобяков «Долгуйуунан толору сылаас үрүҥ холорук…» саҥа хоһоонноро;
Хаҥаластан Прокопий Ноговицын дьиҥнээх олоххо буолбут, сэрии кэннинээҕи кэми көрдөрөр «Мэтээл» пьесата;
Балкар суруйааччыта Хыйса Османов таптал уонна олоххо тардыһыы күүһүн дьүһүйэр «Бөрөлөрү кытта серенада» кэпсээнэ Анастасия Еремеева тылбааһыгар;
Хаҥалас улууһун Покровскай куоратыгар Литература кулууптарын уонна айар түмсүүлэрин II өрөспүүбүлүкэтээҕи форумун айар күрэстэригэр кыайыылаахтар – Федор Павлов «Босхолонуу», Сардаана «Күлүүс», Надежда Кардашевская-Куттаах «Баар эбит…», Айталыына Хоһуунаба «Бастакы туҥуй таптал» кэпсээннэрэ уонна Светлана Винокурова «Көрбөтөх күндү дьоммун санатар үс айымньы», Сардаана Кириллина «Оҕо уйулҕатын көрдөрөр айымньы аҕыйах», Сиибиктэ «Суобас уонна учуутал», Галина Неустроева «Айаанньа уус айылҕаны хоһуйуулара», Анна Черосова «Төрөөбүт дойдуга таптал тыына» рецензиялара;
«Биллиилээх суруйааччылар биографиялара» рубрикаҕа «Тимофей Сметанин. Күлүм гынаат умуллан…» диэн номоххо киирбит суруйааччы туһунан сэдэх чахчылардаах Данил Макеев ыстатыйата;
«Чөкчөҥө» диэн ханты норуот остуоруйата Георгий Борисов тылбааһыгар.
Күн – сири, «Чолбон» – саханы сырдатар.
Сообщение Хаҥаластааҕы форум бастыҥнара, бөрөлөрү кытта серенада уонна Тимофей Сметанин «Чолбон» сурунаал ыам ыйынааҕы нүөмэригэр появились сначала на Улус Медиа.