Ил Дархан Айсен Николаев бүгүн, атырдьах ыйын 29 күнүгэр, «Якутия, вперед!» биэриигэ ый түмүктэрин таһаарда.
Өрөспүүбүлүкэ баһылыга эпиир кэмигэр «Воинам-якутянам — защитникам Старорусского района» диэн пааматынньыкка Саха сирин буойуттарын ааттара суруллубут билиитэлэр туруоруллубуттарын уонна «Бастионы памяти» бырайыак туһунан кэпсээтэ.
«Быйыл «Бастионы памяти» историко-патриотическай бырайыак иитинэн Смоленскай, Псковскай уонна Калужскай уобаластарга Саха сирин буойуннарын ааттарын үйэтитэр билиитэлэри туруоруохтаахпыт. Бу үлэ салҕанан барыаҕа. Үгүс саллаат сураҕа суох сүппүтүнэн билиниллэн, уҥуохтара сири була иликтэр», — диэн Айсен Николаев эттэ.