Куокуй нэһилиэгин олохтоохторо быйыл Кэбээйи улууһугар ыытыллар Олоҥхо ыһыаҕар күүстээхтик бэлэмнэнэ сылдьаллар.
Ол курдук Дьяконов Иннокентий Васильевич салайааччылаах аҕалар «Айтал» түмсүүлэрэ талах олоппостору оҥордулар, хайыы-үйэ 40 устуука бэлэм буолла. Далбар хотуттарбыт Матрена Илларионова, үрүҥ көмүс волонтердар Анастасия Игнатьева, Ася Яковлева, Саргылана Спиридонова тэрилтэлэринэн олбох тигэн бүтэрдилэр. Култуура үлэһиттэрэ Надежда Илларионова, Зоя Гуляева ситии хатыытын ылсан, үлэ күөстүү оргуйа турар. Ол быыһыгар сувенирдары оҥорууга эдэр ийэлэр Гея Павлова, Елена Сметанина дьарыктанан эрэллэр, иистэнэ, оҥоро сылдьаллар.
Итинник Куокуй нэһилиэгэр уруйдаах Олоҥхо Ыһыаҕын дьоһуннаахтык көрсөрдүү киэҥ хайысхалаах үлэ бара турар.
Полина Жергина, Куокуй нэһилиэгэ.