Психологтар биирдиилээн уонна бөлөҕүнэн аҕыс сүүс кэриҥэ көмөнү, сүбэни-аманы ааспыт нэдиэлэҕэ байыастарга уонна кинилэр чугас дьонноругар оҥордулар.
Үлэлэр өрөспүүбүлүкэҕэ уонна Доннааҕы Ростовка ыытылыннылар. Өрөспүүбүлүкэтээҕи психологическай киин дириэктэрэ Владимир Скрябин сорохтор аан бастаан сүбэ-ама ылбыттарын, сорохтору кытта хаһыс да төгүлүн үлэлэһэллэрин этэр. Маны таһынан араас дьарыктар ыытыллыбыттар.
—Доннааҕы Ростовка госпитальга бүгүн психологтар уочараттаах мобильнай биригээдэлэрэ барда. Манна, Дьокуускайга, ийэлэри кытта «Терапия искусством» дьарыктар тиһиктээхтик ыытыллаллар. Улуустарга байыастарга, оҕолорго эмиэ үлэлэр ыытыллаллар. Биллэн турар, психологическай киин филиалларыгар байыастары тута көрсөн иһэбит, — диэн Владимир Скрябин кэпсиир.
Дьокуускайга психолог көмөтүгэр үлэ чааһыгар бу нүөмэргэ эрийэн суруйтарыахха сөп: 8 (4112) 31-91-09 . Бу нүөмэртэн улуустарга филиаллар нүөмэрдэрин ыйыталаһыахха сөп. Маны сэргэ, күннэри-түүннэри бу төлөпүөн үлэлиир: 8-800-100-35-50 эбэтэр 122, салгыы 6 уонна 2.
Сиһилии: https://www.sakha.gov.ru/news/29977
СӨ Ил Дарханын уонна Бырабыыталыстыбатын пресс-сулууспата