Лүөн бурдугуттан килиэп оһоҕоско олус туһалаах. Маны тэҥэ, дьахтар доруобуйатыгар эмиэ туһалыыр. Судургутук оҥоһуллар уонна амтана хара килиэп курдук.
Лүөн бурдуга — 70 гр.
Сымыыт — 4 уст.
Разрыхлитель — 3 гр.
Оливковай арыы — 3 ост. нь.
Кунжут сиэмэтэ — 1 ост. нь.
Туус.
Килиэп ыйааһына — 276 гр, калорийа — 268, белога — 16 гр, углевода — 3 гр, сыата — 20 гр.
Сымыыты үллүөр диэри миксеринэн эрийтэрэбит. Арыыны, разрыхлители, тууһу, бурдугу кутан, булкуйабыт. Тиэстэтэ убаҕас соҕус, сыстаҥнас буолар. Оливковай арыыны булбатаххытына, атын үүнээйи арыытын — «холодный отжим» диэн суруктааҕы туһаныаххытын сөп. Ынах арыытынан да боруобалаан көрүҥ.
Килиэп буһарар киэби арыынан сотон баран, тиэстэни кутабыт. Үрдүн тэҥнээн баран, кунжут сиэмэлэрин тарҕатабыт.
200 кыраадыска диэри итийбит духуопкаҕа уган, 30-35 мүнүүтэ буһарабыт. Мас үтэһэнэн дьөлө анньан, буспутун-буспатаҕын быһаарыахха сөп.
Хара килиэпкэ маарынныыр, диетическэй килиэп буһан тахсар. Бу килиэп элбэх белоктаах, углевода аҕыйах, онон кето-диетаҕа сөп түбэһэр. Килиэптэн аккаастана сатыыр, астарын көрүнэр дьон бу маннык килиэби буһаран, сиэхтэрин сөп.