Лимон С битэмиининэн баай. Дьаҥ-дьаһах саҕана итии лимоннаах чэй, уу өрүү көмөлөһөр. Ол эрээри лимон холодильникка уһуннук хаһааныллыбат, начаас сымнаан, буорту буолан хаалар. Онон лимону атыылаһан баран морозильникка тоҥоруу олус туһалаах. Тоҥмут лимону төһөнү чэйгэ кутаргынан кыһан уһуннук хаһааныахха сөп. Лимоннаах чэй ордук саас туһата элбэх. Сэниэ биэрэр, иммунитеты күүһүрдэр. Синньиэн баҕалаах дьон сарсыарда лимоннаах сылаас ууну иһэллэрэ наада. Күн ахсын лимон атыылаһан эрэйдэммэккэ, ардыгар умнуллан да хаалыан сөп, ол кэриэтин тоҥорон хаһааныы олус барыстаах.