ИДьМ Дьокуускайдааҕы 4-с №-дээх отделыгар халааһын туһунан сайабылыанньа киирбит.
Түүн үөһүн саҕана биир киһи Дьокуускай куорат Губин уулуссатыгар турар баартан тахсан иһэн төлөпүөнүн былдьаппыт. Ол эрээри эмсэҕэлээччи полицияҕа тута тыллаабатах, биэс хонон баран сайабылыанньа суруйбут. Ол да буоллар, холуобунай ирдэбил үлэһиттэрэ бу быһылааны суукка иһинэн арыйбыттар диэн ИДьМ пресс-сулууспата иһитиннэрэр.
Ол курдук, суһал-көрдүүр үлэ түмүгэр полиция халааһыҥҥа уорбаланааччы кимин быһаарбыттар. Кини урут сууттана сылдьыбыт 23 саастаах олохтоох киһи эбит. Оперативниктар уорбаланааччыттан уоруллубут төлөпүөнү булбуттар.
Буруйдаахха Арассыыйа Холуобунай кодексын 161 ыстатыйатын 1 чааһынан (Халааһын) холуобунай дьыала тэрилиннэ.