Даачаҕа кырасыабай вьюногу – үс өҥнөөх ипомеяны олордуу иһин ыстарааптаныахха, оннооҕор холуобунай дьыалаҕа тардыллыахха сөбүн туһунан юридическай билим кандидата, Г.В.Плеханов аатынан Арассыыйатааҕы экэниэмикэ университетын гражданскай-правовой дьиссиппилиинэҕэ кафедратын дассыана Наталья Свечникова кэпсээбит. Бу туһунан РИА Новости “Прайм” ааҕыныстыбаҕа сигэнэн суруйар.
Кини этэринэн, бу сибэккигэ эргин диэн бобуулаах бэссэстибэ баар буолан, 2024 сылтан наркотическай эбэтэр психотропнай бэссэстибэлээх үүнээйилэр испииһэктэригэр киирбит. Онон бу сибэккини олордуу судаарыстыба хонтуруолугар турар.
Өскөтүн бэрэбиэркэ учаастакка 10-тан элбэх сибэкки баарын буллаҕына, физическэй сирэйдэр 15 сууккаҕа хаайыллаллар эбэтэр 5 тыһ. солк. ыстараабы төлүүллэр. Юридическай сирэйдэргэ ыстараап 300 тыһ. солк. тэҥнэһэр. Икки сылга диэри болдьохтоох холуобунай эппиэтинэскэ учаастактарыгар 100-тэн тахса вьюнок баар дьон тардыллаллар. Үс өҥнөөх ипомея сиэмэтин харайыы иһин эмиэ холуобунай эппиэтинэс күүтэр. Бу туһунан РИА Новости суруйар. Онон мантан инньэ сибэккибитин сэрэнэн-сэрбэнэн үүннэрииһибит.