Бу күннэргэ Дьокуускайга Норуоттар икки ардыларынааҕы форум «Язык и культура коренных малочисленных народов России: современные вызовы и стратегии развития» диэн суолталаах тэрээһин буола турар.
Бырабыыталыстыба 2 №-дээх дьиэтигэр тэрээһин үөрүүлээх аһыллыыта уонна пленарнай мунньах буолла. Тэрээһиҥҥэ наука, үөрэхтээһин, бырабыыталыстыба уонна уопсастыбаннай тэрилтэлэр бэрэстэбиитэллэрэ түмүстүлэр. Кыттааччылары куйаар ситиминэн «Информация для всех» ЮНЕСКО бырагырааматын Арассыыйатааҕы кэмитиэтин бэрэссэдээтэлэ Анастасия Паршакова эҕэрдэлээтэ. РФ Үөрэҕин миниистирин солбуйааччы Ольга Колударова, СӨ Бырабыыталыстыбатын солбуйааччы Сергей Местников, Кытай народнай Өрөспүүбүлүкэтин Хэйлунцзян провинциятын (Кытай) Орокэн научнай уопсастыбатын бэрэссэдээтэлэ Гуан Саожи уонна да атыттар. Салгыы учуонайдар Жильван Мюллер де Оливейра (Бразилия), Бао Миндэ (Кытай), Лувсанцеренгиин Церенчимед (Монголия) уонна кинилэр Арассыыйаҕа бииргэ үлэлиир дьонноро эҕэрдэ тыл эттилэр. Сүрүн тэрээһиннэр икки күн устата «Патриот» ыччат киинигэр ыытылла тураллар.
Пуорум Арассыыйаҕа Норуоттар сомоҕоһууларын, Саха сиригэр Култуура сылларын чэрчитинэн ыытыллар.