Нерюнгри куорат суута киһи доруобуйатыгар ыарахан эчэйиини оҥорон, өлөрбүтүн иһин, Холуобунай кодекс 111 ыстатыйатын 4 чааһынан ыар буруйга уорбаланар киһини хаайарга быһаарыы ылынна.
2026 сыл кулун тутар 29 күнүгэр Нерюнгригэ Пионернай уулуссаҕа баар түүҥҥү кулуупка охсуһуу буолбут. Ол түмүгэр, биир киһи эчэйиини ылан, балыыһаҕа киирбит уонна тыына быстыбыт.
Суут буруйданааччыны булан, Силиэстийэлиир кэмитиэт силиэстийэлиир управлениетын ыстаарсай силиэдэбэтэлин хадатаайыстыбатынан, уорбаланааччыны ыам ыйын 29 күнүгэр диэри хаайарга уурда.
Көмүскэһээччи уорбаланааччыны уопсастыбаттан араарбат миэрэни ыларга көрдөстө.
Суут уурааҕа сокуоннай күүһүгэр киирэ илик, онон СӨ Үрдүкү Суутугар ааһыныан сөп диэн СӨ сууттарын пресс-сулууспата иһитиннэрэр.