“Евразия дорҕоонноро” бырайыак настаабынньыга Ежевика Чегодаева уонна “Ойме” бөлөх бырайыак араас сезоннар финалистарын кытта бииргэ ырыа суруйдулар.
“Арассыыйа” сингл музыкальнай платформаларга таҕыста. Композицияҕа Арассыыйаҕа олорор норуоттар үгэс буолбут муусукалара киирдилэр. Ырыа тиэкиһин норуот матырыйаалыгар олоҕуран Денис Шаблий тупсаран, эбэн биэрбит, муусукатын Ежевика Чегодаева уонна Владимир Осинскай суруйбуттар.
Ырыа суруллуутугар бырайыак финалистара: Марий Эл өрөспүүбүлүкэттэн ШЫП ЛИЙ, Саха сириттэн Гарпани Солинга, Красноярскай кыраайтан АҮАА, Пермскэй кыраайтан Балакирь, Калмыкияттан HAGRIN, Москваттан КоленкорЪ бөлөхтөр кытыннылар. Ону тэҥэ Мордовия уонна Дагестан норуоттарын үгэс буолбут муусукалара киирдэ.
Бырайыак ааптара этэринэн, ырыаны үгүс сылларга араас кэлэктииптэр толорон кэлбиттэр, кэлин дойду араас эрэгийиэннэрин этническэй толорооччуларын кытта бииргэ толоруохха диэн быһаарыы ылыммыттар. Композиция тахсыыта Арассыыйа норуоттарын сомоҕолоһууларын сылыгар уонна Арассыыйа күнүгэр сөп түбэһиннэрилиннэ.