Быйыл Булуҥ улууһун Тиксии бөһүөлэгэр «Уһун уонна көхтөөх олох» национальнай бырайыак чэрчитинэн уонна «Биир ньыгыл Арассыыйа» өйөбүлүнэн доруобуйа харыстабылын бастакы сүһүөҕүн саҥардыыга оҕо поликлиникатын дьиэтин хапытаалынай өрөмүөнэ былааннанар.
Оҕо поликлиникатын хапытаалынай өрөмүөнүн иитинэн, оҕолорго мэдиссиинэ көмөтүн оҥоруу аныгы ирдэбиллэригэр сөп түбэһиннэрэн, дьиэ иһинээҕи хостору барытын биир кэлимник саҥардахтара. Ол курдук, регистратура, идэтийбит исписэлиистэр хосторо, диагностика уонна процедура хосторо уларытан оҥоһуллуохтара. Ону сэргэ, күүтэр сирдэр тупсарыллыахтара.
Маны таһынан, инженернэй ситимнэри уонна салгын хамсааһынын (вентиляция) тиһиктэрин саҥардыы көрүллэр, бу ыарыһахтарга уонна мэдиссиинэ үлэһиттэригэр табыгастаах уонна куттала суох усулуобуйаны тэрийиэҕэ.
Тиксиигэ оҕо поликлиникатын саҥардыы – Арктика оройуоннарыгар олорор оҕолорго мэдиссиинэ хаачыстыбалаах уонна тиийимтиэ көмөтүн оҥорууга дьоһун хардыы буолар.