Саха сиригэр элбэх оҕолоох ыаллар ахсааннара туруктаахтык эбиллэрэ бэлиэтэнэр: кэнники алта сылга кинилэр ахсааннара 26% — тан тахса элбээтэ.
2020 сыллаахха өрөспүүбүлүкэҕэ 29 385 элбэх оҕолоох ыал баар эбит буоллаҕына, 2026 сылга кинилэр ахсааннара 37,1 тыһыынчаҕа тиийбитэ бэлиэтэнэр.
Маннык динамика — РФ Бэрэсидьиэнэ Владимир Путин көҕүлээбит «Дьиэ кэргэн» национальнай бырайыагын, «Биир ньыгыл Арассыыйа» баартыйа норуодунай бырагырааматын «Крепкая семья» бырайыагын чэрчитинэн өрөспүүбүлүкэҕэ ыытыллар дьиэ кэргэттэри өйүүр тиһиктээх үлэ түмүгэ буолара бэлиэтэнэр.
Элбэх оҕолоох дьиэ кэргэттэр судаарыстыба өртүттэн биллэр көмө оҥоһулларын бэлиэтииллэр уонна чэпэчтиилэр, төлөбүрдэр иһин махтаналлар.
—Бу сыл саҕаланыытыгар биһиги улахан дьиэ кэргэн буолбуппут. Кыргыттарбыт кэннилэриттэн күүтэн-күүтэн дьэ уолламмыппыт. Кыргыттарбыт оскуолаҕа үөрэнэллэр. Онон элбэх оҕолоох буолан, оптуобуска сылдьыыга, оскуолаҕа аһыылларыгар, култуура уонна успуорт тэрилтэлэригэр сылдьалларыгар эбии өйөбүллэр бааллар. ОДЬКХ төлөбүрүгэр чэпчэтии ылабыт. Элбэх оҕолоох ыаллары өйүүрүгэр өрөспүүбүлүкэбитигэр махтанабыт. Улахан дьиэ кэргэҥҥэ өйөбүл, көмө чахчы олус наадалаах уонна суолталаах, — диэн элбэх оҕолоох ийэ Мотрена Сидорова махтанар.
Саха сирэ оҕо төрөөһүнүнэн Уһук Илин ФУо бастакы уонна дойду эрэгийиэннэрин ортолоругар уон бастакыга киирсэр. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Сиһилии: https://www.sakha.gov.ru/news/55860