Саха Сиринээҕи ИДьМ пресс-сулууспата иһитиннэрэринэн, от ыйын 23 күнүгэр киэһэ 21:05 чаас саҕана Алдан куоракка суол быһылаана таҕыста.
Барыллаан дааннайдарынан, Моховой уонна Еловой уулуссалар быһа охсуһууларыгар 2011 с.т. сааһын ситэ илик суоппар, 2010 с.т. кыыс пассажиры тиэйэн иһэн, питбайгын кыайан салайбакка суулларбыт. Түмүгэр матасыыкыл охтубут.
Ол кэнниттэн тута, кэннилэриттэн биир хайысханан айаннаан испит «УАЗ Патриот» массыына кинилэр үрдүлэригэр кэлэн түспүт. Массыына уруулугар сулууспатын толоро сылдьар, итиригэ суох полиция үлэһитэ олорбут Икки ситэ илик саастаах оҕо араас таһымнаах бааһырыылардаах балыыһаҕа тиэрдиллибиттэр. Буолбут быһылаан туохтан сылтаан тахсыбытын быһаарар сыаллаах бэрэбиэркэ ыытыллар.