Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан холуобунай дьыаланы көбүтэргэ сорудахтаата. Бу туһунан кэмитиэт пресс-сулууспата иһитиннэрэр.
Ыттар оҕолорго алтынньы ыйга оҕо оонньуур былаһааккатыгар саба түспүттэр. Силиэстийэлиир кэмитиэт дааннайынан, олохтоох былаас бу быһылааҥҥа болҕомтотун уурбатах, оҕолор туоһу киһи көмөтүнэн эрэ эчэйбэккэ хаалбыттар. Силиэстийэлиир кэмитиэт баһылыга Саха сиринээҕи СК силиэстийэлиир управлениетын салайааччытыгар Виталий Кондратенкоҕа силиэстийэ хаамыытын туһунан дакылааттыырга сорудахтаата. Үлэ биэдэмистибэтин киин аппараатыгар хонтуруолга ылылынна.