Арассыыйатааҕы ГАИ иһитиннэрэринэн, атырдьах ыйын 1 күнүттэн ГАИ үлэһиттэрэ суоппардартан евроборотокуол кумааҕы блаҥкаларын ирдиэхтэрэ диэн сымыйа сурах тарҕанна.
«Бэчээккэ, интэриниэккэ уонна социальнай ситимнэргэ атырдьах ыйын 1 күнүттэн ГАИ үлэһиттэрэ суоппардартан евробортокуол кумааҕы блаҥкаларын бэрэбиэркэлиэхтэрэ диэн тарҕаммыт сонун сымыйа», — диэн биэдэмистибэ иһитиннэриитигэр этиллэр.
Биэдэмистибэ санаппытынан, суоппар ГАИ үлэһитигэр бэрэбиэркэҕэ көрдөрөр докумуоннарын испииһэгэ суол быраабылатын 2.1 пуунунан бигэргэтиллэн турар. Бу испииһэккэ евробортокуол кумааҕы блаҥката киирбэт.
«Суол быраабылатыгар атырдьах ыйыттан саҥа уларыйыылар суохтар уонна киирбэттэр», — диэн бэлиэтэнэр.
ГАИ-га эбэн эппиттэринэн, сокуоҥҥа уларытыылары киллэрии туһунан иһитиннэрии нуормалыыр-быраап аахталарын бырайыактарын федеральнай порталыгар тахсар.