Байыаннай дьайыы бэтэрээнэ Александр Никитин Дьокуускайдааҕы кадетскай оскуола-интэринээт орто анал үөрэх кыһаларын устудьуоннарыгар хорсун быһыы уруогун ыытта.
Тэрээһин «Төрөөбүт дойдубар сулууспалыыбын» Бүтүн Арассыыйатааҕы аахсыйа чэрчитинэн ыытылынна. Аахсыйаны «Аҕа дойдуну көмүскээччилэр» судаарыстыбаннай пуонда уонна «Билии» Арассыыйатааҕы уопсастыбата тэрийбиттэр.
Уруок «Чыпчаалларга старт» үөрэтэр-эрчийэр хомуурдар кэмнэригэр буолла. Тэрээһин сүрүн сыала — көлүөнэлэр ситимнэрин харыстааһын, патриотическай сыаннастары бөҕөргөтүү уонна ыччаты байыаннай дьайыы кыттыылаахтарын холобурдарыгар иитии буолар.
Көрсүһүү кэмигэр Александр Никитин бойобуой уопутун, сулууспатын туһунан истиҥник кэпсээтэ, устудьуоннар ыйытыыларыгар сиһилии хоруйдаата. Дьарык практическай чааһа тактическай бэлэмнэнии төрүөттэригэр ананна. Бэтэрээн байыаннай усулуобуйаҕа куттала суох хамсаныы, ытыы кэмигэр сөптөөх турук, уоттаах сиртэн тахсыы ньымаларын көрдөрдө, сааны-саадаҕы туттууга үгүстүк көстөр сыыһалары ырытан биэрдэ.
Устудьуоннар тэрээһиҥҥэ көхтөөхтүк кытыннылар, байыаннай сулууспа уратыларын интэриэһиргээтилэр, бэтэрээн салалтатынан тактическай бэлэмнэнии сорох түгэннэрин бэйэлэрэ толорон, илиилэрин-атахтарын тургутан көрдүлэр.
Сиһилии манна ааҕыҥ: https://www.sakha.gov.ru/news/57370
