Сыл саҕаланыаҕыттан Саха сиригэр байыаннай дьайыы 46 кыттааччыта уонна 120 байыаннайдар дьиэ кэргэттэрин чилиэннэрэ үлэҕэ киирдилэр. Бу туһунан Нэһилиэнньэ дьарыктаах буолууту киинин дириэктэрин солбуйааччы Игорь Соловьев иһитиннэрдэ.
— Машинист, массыына өрөмүөннээччи, токарь, сиэстэрэ, уһуйаан иитээччитэ, администратор, эргиэн менеджерэ курдук идэлэри наадыйаллар, — диир Игорь Соловьев.
Кини этэринэн, быйыл саҥаттан бэлэмниир бырагыраама чэрчитинэн, 11 байыаннай дьайыы кыттыылааҕа уонна 5 байыаннайдар дьиэ кэргэттэрин чилиэннэрэ суоппар, күндү табаары хонтуруоллааччы, социальнай үлэһит, иистэнньэҥ уонна асчыт, гаас-электросварщик, ону тэҥэ урбаан төрүттэрин үөрэтэр куурустары ааспыттар.
Билигин дьарыктаах буолуу сулууспатыгар 65 байыаннай дьайыы кыттыылааҕа уонна кинилэр дьиэ кэргэттэрин чилиэннэрэ 50 киһи учуокка тураллар, диэн иһитиннэрэр Ил Дархан, бырабыыталыстыба пресс-сулууспата.