Байыаннай дьайыы бэтэрээннэрэ Социальнай пуонда мэдиссиинэ-реабилитация кииннэригэр сонотуоруй-
куруорт эмтэниитин босхо ааһар бырааптаахтар.
Кинилэр сонотуоруйга-куруорка босхо эмтэниини сылга биирдэ барар кыахтаахтар. Арассыыйа Дьоруойа, эбэтэр, 1-кы группалаах инбэлиит буоллаҕына, уочарата суох барар бырааптаах.
Сонотуоруйга-куруорка эмтэнии уһуна 21 хонук. Реабилитация болдьоҕо миэдиктэр көрдөрүүлэринэн бигэргэнэр.
Сайабылыанньаны «Госуслуги» портал нөҥүө, Социальнай пуонда Саха сиринээҕи салаатын килийиэннэрин сулууспатыгар, Элбэх өҥөнү оҥорор кииҥҥэ, мэдиссиинэ тэрилтэтигэр биэриэххэ сөп.
2026 сылтан анал байыаннай дьайыы кыттыылаахтара Социальнай пуонда кииннэригэр эмтэнэ барар буоллахтарына, айан билиэтин эрдэттэн ылан кэбиһиэхтэрин сөп.
Сайабылыанньаны биэрэргэ айан билиэтин, эбэтэр, айан кэнниттэн ороскуоту толуйууну талыахха сөп.
Арыаллааччы наада буоллаҕына, Социальнай пуонда арыаллыыр киһи бырайыаһын, олорорун уонна аһылыгын төлүүр.