Бүгүн Харбалаах аҕам саастаах дьоно түмсэн, муус барыытын, ньургуһун кэрэ көстүүтүн кэрэхсии айылҕаҕа таҕыстылар.
Маннык айылҕалыын алтыһыыны бэтэрээн сэбиэтин бэрэссэдээтэлэ Светлана Петровна Винокурова тэрийдэ. Массыыналаах «уолаттар» Александр Туласынов, Григорий Софронов, Спиридон Суздалов бу тэрээһиҥҥэ күүс-көмө, өйөбүл буоллулар.
Дьоммут кэрэни көрөн кэрэхсээн, күүстэригэр күүс эбиллэн, санаалыын өрө көтөҕүллэн кэллилэр. Биһиги аҕам саастаахтарбытыгар маннык үөрүүлээх үгүс күннэр тосхойо турдуннар!
Килбик кыыстыы сэрэнэн,
Харалдьыгы аргыый бигээн,
Үүннэ кэрэ сибэкки-
Ньургун ньургуһун барахсан!
Сандал сааспыт илдьитэ
Хорсун, нарын ньургуһун
Бөлөхтөһөн үүммүтүн
Сэргээн көрө бардыбыт.
Айылҕалыын алтыһан,
Дууһалыын сырдыы иэйэн,
Кэрэни кэрэхсээн,
Холкутук долгуһа хаамсабыт…
Бар дьоҥҥор үөрүүнү бэлэхтээн,
Сыллата хойуутук үүнэ тур,
Эйэлээх олоҕу түстээҥҥин
Сырдык санааны саҕа тур!
Валентина КРИВОШАПКИНА, Таатта, Харбалаах
