Быйылгыттан Дьокуускайга оптуобустан сибэккини атыылыыр бобуллар. Бу ирдэбили сааскы бырааһынньыктар кэмнэригэр анал мобильнай бөлөхтөр бэрэбиэркэлиэхтэрэ диэн бүгүн киин куорат планеркатыгар иһитиннэрбиттэр.
Хонтуруоллуур бөлөххө быраабы араҥаччылыыр уорганнар үлэһиттэрэ уонна административнай хамыыһыйа бэрэстэбиитэллэрэ киирдилэр.
«Куорат олохтоохторун сибэккинэн хааччыйар туһуттан урбаанньыттарга стационарнай эбийиэктэргэ быстах турар сирдэри, ол иһигэр оптуобус сылаас тохтобулларын биэрэри көрөбүт» , — диэн миэрийэҕэ этэллэр.