Дьокуускайга бу бэнидиэнньиккэ, ыам ыйын 25 күнүгэр, ититиини араарыахтара. Ол туһунан ЯСИА-ҕа Дьокуускай уокуруктааҕы дьаһалтатыгар иһитиннэрдилэр.
Бу олорор дьиэлэргэ, административнай дьиэлэргэ, ону тэҥэ социальнай, култуурунай уонна олох-дьаһах эбийиэктэригэр сыһыаннаах.
Ититиини салгын орто сууккатааҕы температурата биэс күн устата +8 кыраадыстан үрдүк турдаҕына араараллар. Мас дьиэлэргэ, муниципальнай уһуйааннарга, оскуолаларга, поликлиникаларга уонна доруобуйа харыстабылын стационарнай тэрилтэлэригэр ититиини бэс ыйын 1 күнүгэр диэри араарыахтара.