Саха сиринээҕи ИДьМ Миграция боппуруостарыгар управлениетын үлэһиттэрэ өрөспүүбүлүкэтээҕи Росгвардия ОМОН анал этэрээтин өйөбүлүнэн, Дьокуускай куорат Новокарьернай уулуссатыгар тутулла турар, Орто Азия дойдуларыттан кэлбит омуктар үлэлиир дьиэлэрин бэрэбиэркэлээтилэр диэн ИДьМ пресс-сулууспата иһитиннэрэр.
Хас да тутааччы биригээдэтин ортотугар полицейскайдар чугастыы омук дойдуларыттан төрүттээх, үлэ дуогабара суох 29 киһини буллулар, олортон алтата патена суох үлэлии сылдьыбыттара билиннэ.
Бэрээдэги кэспит дьон полиция салаатыгар илтилэр уонна РФ Административнай быраабы кэһии кодексатын (КоАП РФ) 18.10 ыстатыйатын 1-гы чааһынан административнай эппиэтинэскэ тардылыннылар.
Омук дьонун үлэ дуогабара суох тутууга үлэлэппит үлэ биэрээччилэргэ — субподряд тэрилтэлэригэр — полицейскайдар сэрэтии суруктарын туттардылар. Бэрэбиэркэҕэ уопсайа 46 омук гражданина хабылынна.
Арассыыйа Федерациятын миграцияҕа сокуоннарын тутуһууну хонтуруоллааһын тэрээһиннэрэ салҕаналлар.
Хаартыска: ИДьМ пресс-сулууспата