От ыйын саҕаланыытыгар «Дьокуускайдааҕы» ис дьыала управлениетын 4-с №-дээх полиция отделыгар пляжка мал уоруутун туһунан иһитиннэрии киирэ сылдьыбыта.
Полиция үлэһиттэрэ быһаарбыттарынан, эдэр дьон пляжка сынньана сылдьан смартфоннарын, кулгаахха кэтиллэр беспроводной наушниктарын уонна пауэрбанктарын биир суумкаҕа ууган баран, кылгас кэмҥэ көрүүтэ-истиитэ суох хаалларбыттар.
Бу түгэнинэн туһанан, куһаҕан санаалаах киһи 5 мүнүүтэ иһигэр күндү маллары уоран тахсыбыт. Уопсай хоромньу 81 тыһыынча солкуобайтан тахса буолбут.
Көрдүүр үлэ түмүгэр полиция уорбаланааччыны быһаарда. 19 саастаах Үөһээ Бүлүүттэн сылдьар эдэр киһи буолара биллибит. Уоруллубут маллар былдьаннылар, силиэстийэ түмүктэннэҕинэ, маллар төннөрүллүөхтэрэ.
Бүгүҥҥү күҥҥэ РФ Холуобунай кодексатын 158-с ыстатыйатын 2-с чааһынан («Уоруу») холуобунай дьыала тэрилиннэ. Бу ыстатыйанан буруйдаахха 5 сылга диэри көҥүлү быһыы куттала суоһуур. Уорбаланааччыттан куоракка олорор уонна ханна да барбат туһунан илии батааһын ылылынна.
Полиция сэрэтэр уонна сүбэлиир
- Пляжка күндү, сыаналаах маллары (улахан суумалаах харчыны) илдьэ сылдьымаҥ;
- Пляжка утуйумаҥ;
- Тэрилгитин, суумкаҕытын аһаҕас, көстөр сиргэ хаалларымаҥ — суумка ис сиэбигэр кистээҥ уонна таҥаһынан сабыҥ.