2027 сылга Саҥа дьыл сынньалаҥа 11 күн буолуоҕа – ахсынньы 31 күнүттэн тохсунньу 10 күнүгэр диэри. Дойду Үлэҕэ министиэристибэтэ 2027 сыллааҕы үлэ уонна бырааһынньыктааҕы халандаар бырайыагын уопсастыбаннай ырытыыга таһаарбыт. Бу туһунан Объясняем.РФ суруйар.
2027 сылга 3 күн биэстэ өрүөхпүт: олунньуга, кулун тутарга, иккитэ – ыам ыйыгар уонна бэс ыйыгар. Ону тэҥэ, түөрт күннээх өрөбүллэр бааллар: сэтинньи 4-7 күннэригэр. Эһиил Саҥа дьыл сынньалаҥа 11 күн буолуоҕа, — диэн РФ Үлэтин, социальнай көмүскэлин миниистирэ Антон Котяков кэпсээбит.
Үлэ кодексыгар олоҕуран, өскөтүн өрөбүл бырааһынньыкка түбэһэр буоллаҕына – чугастааҕы үлэ күнүгэр көһөр.
Ону учуоттаан, 2027 сылга бу курдук сынньаныахпыт:
— 2026 сыл ахсынньы 31 күнүттэн 2027 сыл 10 күнүгэр диэри;
— олунньу 21-23 күннэригэр;
— кулун тутар 6-8 күннэригэр;
— ыам ыйын 1-3 уонна 8-10 күннэригэр;
— бэс ыйын 12-14 күннэригэр;
— сэтинньи 4-7 күннэригэр;
— 2027 сыл ахсынньы 31 күнэ – өрөбүл.