Өскөтүн эн кардиолог, невролог, эндокринолог курдук сэдэх идэлээх быраастан сүбэ-ама ылыахтаах буоллаххына, бастаан терапевка эбэтэр уопсай быраактыка бырааһыгар кэлиэхтээххин. Кини салгыы эйигин наадыйар бырааскар ыытар.
Бэйэҥ бастакы сүһүөх звено быраастарыгар суруйтарыаххын сөп. Ханныктарга?
ОРВИ дьуһуурунай бырааһыгар, уопсай быраактыка бырааһыгар, учаастактааҕы терапевка уонна педиатрга, акушер-гинекологка, урологка, хирурга, офтальмологка, оториноларингологка (лорга), стоматологка, дерматовенерологка.
Ону таһынан сэдэх идэлээх испэсэлиистэргэ диспансер учуотугар турар дьон быһа тиийиэхтэрин сөп.
Бырааска хайдах суруйтарыахха?
“Судаарыстыбаннай өҥөлөр” портал, эрэгийиэннээҕи мэдиссиинэ порталларын нөҥүө эбэтэр поликлиника терминалларынан. Толуон суох буоллаҕына, эһигини “күүтүү лииһигэр” эбии суруйаллар. Онно босхоломмут “түннүктэр” таҕыстахтарына суруйтарарга этии киллэрэн биллэрии ыыталлар. Бу мэхэньиисим УЗИ, МРТ чинчийиилэригэр эмиэ үлэлиир.
Ону таһынан бырааска тута кэлиэххэ сөп
Өскөтүн: ыарыыҥ сытыырхайдаҕына, балыыһаттан таҕыстаххытына, больничнай лииһи толорторорго (уһатарга эбэтэр тохтоторго). Байыаннай дьайыы бэтэрээнэ буоллаххына, уочарата суох көрдөрүнэр бырааптааххын.