Ленскэйгэ массыыналар утарыта харсыспыттар. Эр киһи өлбүт. Саха сиринээҕи Госавтоинспекцията иһитиннэрэринэн, суол саахала атырдьах ыйын 4 күнүгэр күнүс буолбут.
53 саастаах «Мазда-Демио» суоппара утары суолга тахсан биэрэн, «Мицубиси-Лансер» тимир көлөнү кытта утарыта харсыспыт. Иккис массыына уруулугар 40 саастаах эр киһи олорбут. Суол быһылаанын түмүгэр «Мазда» суоппара саахал буолбут миэстэтигэр тутатына өлбүт, иккис суоппар элбэх эчэйиини ылбыт. Бу быһылаан матырыйааллара силиэстийэлиир уорганнарга бэрилиннилэр.