Дьокуускай куоракка миграционнай сокуону тутуһууну бэрэбиэркэлиир полиция рейдэлэригэр Росгвардия сотрудниктара кытыннылар. Бу сырыыга ордук болҕомто фруктаны уонна оҕуруот аһын атыылыыр павильоннарга уурулунна.
Тэрээһиннэр кэмнэригэр миграция полицията 26-тан 49-гар диэри саастаах, Саха Өрөспүүбүлүкэтин Ил Дарханын Ыйааҕар сөп түбэспэт (патенынан үлэлиир тас дойду гражданнарыгар розницаҕа атыы бобуллар) быраабылалары кэһэн, оҕуруот аһын уонна фруктаны атыылаабыт 4 тас дойду гражданинын булла. Бу дьоҥҥо Арассыыйа Федерациятын КоАП 18.17 ыст. 2 ч. административнай боротокуоллар толорулуннулар.
Бэрэбиэркэ кэмигэр Арассыыйа гражданствотын ылбыт омук сириттэн сылдьар эр киһи пааспарыгар байыаннай учуокка турбутун туоһулуур бэчээтэ суоҕа биллибит. Бу гражданин военкомакка илдьиллибит.
Полицейскайдар тас дойду гражданнарыттан олорорго көҥүллэрин, үлэ дуогабардарын, мэдиссиинискэй көрүүнү ааспыттарын туһунан докумуоннары, миграционнай каарталарын, булгуччулаах судаарыстыбаннай дактилоскопическай регистрацияны уонна хаартыскаҕа түһүүнү ааспыттарын туоһулуур докумуоннары бэрэбиэркэлээтилэр, ону тэҥэ сэрэтэр үлэни ыыттылар.
Миграционнай полиция рейдэлэрэ салгыы ыытыллыахтара.