Марк Жирков аатынан Дьокуускайдааҕы мусукаалынай кэллиэс Дьокуускай куорат олохтоохторун, аҕам саастаах бэтэрээннэри Улуу Кыайыы күнүнэн эҕэрдэлиир.
Ол курдук, ыам ыйын 8 күнүгэр күнүс 15.00 чаастан “Өйдүүбүт! Киэн туттабыт! Махтанабыт” диэн бырааһынньыктааҕы кэнсиэркэ ыҥырар.
Бу күн талааннаах кэлэктииптэр, солистар сэрии кэминээҕи норуот хорсун быһыытын хоһуйар ырыалары, айымньылары толоруохтара. Киһи дууһатын таарыйар, көлүөнэлэри ситимниир муусука дьиэрэйиэ.
Кэнсиэркэ кыттыахтара: Николай Кисленко аатынан норуот үнүстүрүмүөннэрин аркыастыра, духовой үнүстүрүмүөннэр аркыастырдара, Г.Г. Колесов аатынан фольклор салаатын устудьуоннара, вокальнай салаа солистара: Антон Бубякин, Роман Моисеенко, Михаил Подиреча, “Күөрэгэйдэр” флейта ансаамбыла, «Ария» вокальнай салаа хора уонна Дьокуускай куорат бэтэрээннэрин норуодунай хора.
Ону сэргэ улахан кэнсиэртиир саала фойетыгар Петр Романов аатынан Дьокуускайдааҕы художественнай училище устудьуоннарын хартыыналарын быыстапка-атыыта тэриллиэҕэ.
Бу күн Аҕа Дойду Улуу сэриитин бэтэрэээннэрин туһунан үтүө өйдөбүнньүк уонна дириҥ махтал бэлиэтинэн буолуоҕа.
Кэлбит ыалдьыттары сылаас Кыайыы алаадьытынан күндүлүөхтэрэ! Киириитэ босхо.