Саха сирин сүүмэрдэммит хамаандатын чилиэнэ Николай Яковлев буулдьанан ытыыга Арассыыйа успуордун маастара буолла. Бу туһунан Сүүмэрдэммит хамаандалары успуорка бэлэмнээһин өрөспүүбүлүкэтээҕи киинигэр иһитиннэрдилэр.
Бирикээһи Арассыыйа успуордун миниистирэ Михаил Дегтярев илии баттаата. Онон кини буулдьанан ытыыга саамай эдэр успуорт маастардарыттан биирдэстэрэ буолла.
Санатан эттэххэ, ааспыт сылга Николай Яковлев «Азия оҕолоро» норуоттар икки ардыларынааҕы успуорка оонньууларга өрөспүүбүлүкэ чиэһин көмүскээн кыттыбыта.