Туймаада ыһыаҕар үгэс быһыытынан ыалдьыттар оһуохайы толордулар.
«Туймаада ыһыаҕын бырааһынньыгын тыһыынчанан ыалдьыта биир тэтимҥэ оһуохайдаата. Бүгүн ытык сиргэ — Үс Хатыҥҥа биһиги бырааһынньыкпытыгар кэлбит дьоҥҥо барыларыгар махтал! Күүстээх эниэргийэни үөскэппит эдэр оһуохайдьыттарга ураты махтал!» — диэн Дьокуускай куорат баһылыга Евгений Григорьев бэйэтин телеграм-ханаалыгар суруйда.
Доҕордоһуу уонна сомоҕолоһуу бэлиэтэ буолан, оһуохай Саха сирин бары көлүөнэлэрин уонна норуоттарын түмэр.