Бэҕэһээ, балаҕан ыйын 21 күнүгэр, Дьокуускай куорат 1 №-дээх Оҕо успуордун оскуолатыгар «РСО уонна СТП Кубога – 2025» чэрчитинэн олоҕу-дьаһаҕы хааччыйар уонна табаары оҥорон таһаарар тэрилтэлэр ортолоругар баскетболга күрэхтэһии буолан ааста.
Күрэхтэһиигэ «Сахатранснефтегаз» АУо, «СӨ ОДьКХ» ГУП, «Якутскэнерго» ПАУо, «Анаабыр алмаастара» АУо уонна «Вентур» хампаанньалар бөлөхтөрө кытыннылар.
Оонньуу түмүгүнэн күрэхтэһии чөмпүйүөннэринэн «Сахатранснефтегаз» АУо спортсменнара буоллулар, иккис миэстэҕэ – «Якутскэнерго» ПАУо, үһүс миэстэҕэ – «СӨ ОДьКХ» ГУП.
Санатан эттэххэ, олоҕу-дьаһаҕы хааччыйар уонна табаары оҥорон таһаарар тэрилтэлэр ортолоругар «РСО уонна СТП Кубога – 2025» успуорт турнир атырдьах ыйын 21 күнүгэр саҕаламмыта. Бу күрэхтэһии «Биир ньыгыл Арассыыйа» баартыйаны өйөөччүлэр Дьокуускайдааҕы «Нефтегазстройпрофсоюз» тэрилтэ сэбиэтин, СӨ Физическэй култуураҕа уонна успуорка министиэристибэтин уонна «СӨ табаары оҥорооччуларын холбоһуга» үлэ биэрээччилэрин эрэгийиэннээҕи түмсүүлэрин өйөбүлүнэн ыытыллар.
Өссө даҕаны – ханааты тардыһыыга, дартска уонна успуорт төрүт көрүҥнэригэр «хапсаҕайга» уонна «мас-рестлиҥҥэ» күрэхтэһиэхтэрэ диэн «Биир ньыгыл Арассыыйа» баартыйа Саха сиринээҕи салаатын пресс-сулууспата иһитиннэрэр.
