Дьокуускайга олунньу ортотто VolgaBas мааркалаах 50 саҥа оптуобус маршуттарга тахсыаҕа. 40 саҥа суоппар үлэлиирэ күүтүллэр. Бу туһунан «Союз Авто» дириэктэрэ Андрей Косицкай иһитиннэрбит.
Кини этэринэн, бүгүҥҥү күҥҥэ куорат уулуссаларыгар 14 саҥа оптуобус айанныыр. Бу нэдиэлэ бүтүүтэ 20 буолуохтара, салгыы оптуобус ахсаанын 50-ҥа тиэрдиэхтэрэ.
Ону кытта суоппардары нобуордуурга үлэ ыытыллар. Хандьыдааттар тустаах үөрэҕи, стажировканы ааһаллар, докумуоннары толороллор.