Саха сиринээҕи силиэстийэлиир кэмитиэт Дьокуускай куораттааҕы управлениетын салаата, 15 саастаах уол өлбүтүнэн, Холуобунай Кодекс 109 ыст. 1 ч. (алҕас өлүүгэ тириэрдии) буруйу оҥоруу бэлиэтинэн холуобунай дьыаланы тэрийдэ.
Силиэстийэ чахчытынан, 2026 сыл от ыйын 24 күнүгэр Дьокуускай куорат Лермонтов уулуссатыгар баар дьиэ кыбартыыратыгар аймахтарыгар ыалдьыттыы сылдьан, төлөпүөнүн ииттэрээри уокка оҕустаран, миэстэтигэр, сокуоннай сааһын туола илик оҕо өлбүт.
Билигин туох буолбутун быһаарар силиэстийэлиир үлэ барар. Суут кэккэ эспэртиисэтэ, ол иһигэр мэдиссиинэ уонна электротиэхиньиичэскэй суут эспэртиисэлэрэ оҥоһуллаллар. Бу туһунан Саха сиринээҕи силиэстийэлиир кэмитиэт МАХ-ханаалыгар иһитиннэрэллэр.
Алдьаммыт уонна хаачыстыбата суох сэрээттиир тэрили туһаныы алдьархайга тириэрдиэн сөп, болҕомтолоох буолуҥ диэн сүбэлииллэр.