Дьокуускайга 3 №-дээх полиция отделын дьуһуурунай чааһыгар эр киһи харчылаах уонна докумуоннардаах суумкатын сүтэрбитин туһунан сайабылыанньа суруйбут.
Суһал-ирдиир үлэ ыытыллыбытын түмүгэр, атын киһи баайын-дуолун уорууга олохтоох 45 саастаах киһи буолара биллибит.
Быһаарыллыбытынан, сайабылыанньалаах киһи массыынатын хаарын ыраастыырыгар, барсеткатын аттыгар тохтоон турар атын массыына көлүөһэтин таһыгар ууран кэбиспит уонна онтун туһунан умнан баран айанныы турбут. Умнуллубут суумканы сотору кэминэн аттыгар турбут массыыналаах киһи табаарыһынаан булан ылбыттар. Булумньуларын массыыналарыгар илдьэ киирбиттэр. Салгыы табаарыһа түгэнинэн туһанан, бу суумкаҕа туох баарын көрбүт, харчыны булан баран уоран ылбыт.
РФ ХК 158 ыст. 2 ч. («Кража») холуобунай дьыала тэриллибит.
СӨ ИДьМ пресс-сулууспата