Тиксии бөһүөлэгэр дьиэ кыылларын көрүү-истии быраабылаларын тутуһууну хонтуруоллуур рейдэлэр буоллулар.
Булуҥ улууһун Бэтэринээринэй управлениетын старшай судаарыстыбаннай иниспиэктэрэ Алексей Христов, управление бэрэстэбиитэллэрэ уонна полиция холбоһуктаах рейдэлэргэ кытыннылар.
Олохтоохтору дьиэ кыылларын көрүү-истии уонна регистрациялааһын быраабылаларын кытта билиһиннэрдилэр, өйдөбүнньүктэри туттардылар, ыттары босхо ыытыы бобулларын туһунан сэрэтэр кэпсэтиилэри ыыттылар.
Бу тэрээһиннэр сыаллара — дьоҥҥо куттала суох буолууну хааччыйыы. Сокуону кэһии иһин эппиэтинэһи быһааран биэриигэ, ордук ыттары босхо ыытыы уонна кыыллары көрүү-истии быраабылаларын кэһиигэ улахан болҕомто ууруллар.
Дьиэ кыылларын көҥүл-босхо ыыппат уонна булгуччу регистрациялыыр наадалааҕын бэлиэтээтилэр. Бу быраабылалары тутуспат буолуу административнай эппиэтинэскэ тиэрдэр. Бэйэ кыылыгар эппиэтинэстээх сыһыан — бүтүн уопсастыба куттала суох буолуутун уонна этэҥҥэ олоруутун хааччыйыы буолар. Маннык рейдэлэр улуустарга элбэхтэ ыытыллыахтаахтар.