Таатта улууһун Туора Күөл нэһилиэгэр тырахтарыыстар күөн көрүстүлэр. Нэһилиэк 11 тырахтарыыһа түөрт түһүмэхтээх күрэһи аастылар.
Чуурканы ууруу, буруус маһы ууруу, көлүөһэ угуу курдук көрүҥнэргэ тургутуулары аастылар.
Василий Шестаков, тырахтарыыс:
— Мин 1979 сыллаахтан тырахтарыыстыыбын, бэртээхэй күрэс буолла. Сэрэбиэйгэ бастакыны таламмын, долгутуулаах соҕус. Ол эрээри, сааһым тухары үлэлээбит үлэм буоллаҕа.
Кууннаах тыраахтарынан төһө сатабыллаахтык бириэмэҕэ чуурканы угуу үгүс дьону долгутта. «Бөлөрүүс» көлө өрө бирилээн нэһилиэк иһин ылла.
Түмүк маннык буолла: бастакы — Герасим Кононов, иккис — Василий Шестаков, үһүс — Константин Васильев.