Бүгүн, Сунтаар улууһун Кутанатыгар күөлгэ айылҕа маанылаах көтөрдөрө – отучча куба түһэн ааста.
Көтөрдөр соҕуруу кыстыы көтөн иһэн, уһун айаннарыттан сынньанан түстэхтэрэ диэн олохтоохтор этэллэр. Владислав Третьяков видеоҕа устуута социальнай ситимнэринэн тилийэ көттө.
Дьэ бу, көрбүтү эрэ бары кэрэхсэтэр дьиҥнээх кэрэ көстүү. Урут биирдэ эмэ аҕыйахтыы буолан көстөн ааһаллар эбит. Оттон бүгүн отучча куба биирдэ түһэн, ааспытын дьон-сэргэ кэрэхсии көрдө, ким хаартыскаҕа, ким видеоҕа уһулла.
Кутана күөлүгэр куба бөҕө түспүтэ – эриэккэс көстүү буолла. Хоту дойдуттан сымыыттаан, ууһаан дойдуларыгар төннөн истэхтэрэ. Ып-ыраас, муус маҥан кубалар күөлү эргийэ долгулдьуйа уһуннулар, санньыардык, нарыннык дайдылар.