«Уйгу чороон оһуора» бырайыак чэрчитинэн Сунтаарга “Ыһыаҕым саргылаах иһитэ” диэн саха иһитин оҥорооччуларын күрэһэ буолар.
Бу күрэс С.А. Зверев-Кыыл Уолун аатын үйэтитэр, саха иһитин оҥоруутун төрүт дьарыгын үтүө үгэстэрин сөргүтэр, чороон чочуйар уустары дьоҥҥо-сэргэҕэ билиһиннэрии, киэҥ эйгэҕэ таһаарар сыаллаах ыытыллар. Күрэс түмүгүнэн бастыҥнарга «Саамай эдэр кыттааччы»; «Аҕа саастаах саха иһитин оҥорооччу»; «Төрүт үгэстэри салҕааччы»; «Тупсаҕай чороону сатабыллаах айааччы»; «Саҥа ньымалары туттуу»; «Аска туттуллар саха мас иhитин оҥорон тэнитээччи»; «Эдэр көлүөнэни уһуйааччы» диэн анал ааттар иҥэриллэллэр.
