Ил Дархан Айсен Николаев үөрэх уонна доруобуйа харыстабылын эбийиэктэрин тутууга суһал ыстаап мунньаҕын ыытта.
Бүгүн, ыам ыйын 23 күнүгэр буолбут мунньахха, Айсен Николаев өрөспүүбүлүкэ сиригэр-уотугар үөрэх уонна доруобуйа харыстабылын эбийиэктэрин тутууга балаһыанньаны ымпыгар-чымпыгар тиийэ көрдө. Кини эбийиэктэр хас биирдиилэригэр быһыы-майгы тус-туспатын, төһө бэлэмнээхтэрин, үлэҕэ киллэрэр кэмнэрин уонна үбүлээһиннэрин бэлиэтээтэ. Тутуулар тохтообокко ыытыллыахтаахтарын, болдьоммут кэмнэригэр киллэрии суолтатын ыйда.
Айсен Николаев суолаан бюрократизмы уонна докумуоннары уһуннук сөбүлэһиннэриини туоратары ирдээтэ, ол тутуу болдьоҕо уһууругар тиэрдэрин эттэ, ону сэргэ үбүлээһин боппуруостарын быһаарарга сорудахтаата. «Тутулла турар эбийиэктэргэ үлэни тохтотор сатаммат. Формальнай сыһыаны уонна докумуоннары уһуннук сөбүлэһиннэриини таһаарымыахха наада. Эбийиэктэр бары ыйыллыбыт болдьоххо туттарыллыахтаахтар», — диэтэ кини.
Көрүллүбүт эбийиэктэр ортолоругар Дьокуускай куоракка үс оскуола баар. Бу Физико-техническэй лиссиэй, 17 уонна Чайковскай уулуссатыгар оскуолалар саҥа дьиэлэрэ. Бу барыта РФ Бэрэсидьиэнэ Владимир Путин көҕүлээбит «Ыччат уонна оҕо» национальнай бырайыагын чэрчитинэн тутуллаллар. Маны таһынан Нам сэлиэнньэтигэр 450 миэстэлээх оскуола, Майа сэлиэнньэтигэр балыыһа комплексын уонна Ньурба куоракка эмтиир куорпус тутууларын түмүктүүр боппуруостар көрүлүннүлэр.
Сиһилии: https://www.sakha.gov.ru/news/49742
СӨ Ил Дарханын уонна Бырабыыталыстыбатын пресс-сулууспата
Хаартыскалар: sakha.gov.ru ылылыннылар