Вячеслав Володин Доруобуйа харыстабылын министиэристибэтэ үлэһиттэр араас категорияларыгар алта араас өҥнөөх таҥаһы кэтэллэригэр сүбэлээбит рекомендацияларын төттөрү көтүрэр наадалааҕын туһунан эппит этиитигэр өйөбүлү ылла.
«Үрүҥ халаат», — диэн МАХ туһанааччылара Судаарыстыбаннай Дуума Бэрэссэдээтэлэ Вячеслав Володин ханаалыгар кэпсэтии кэмигэр санааларын биллэрдилэр. Докумуоҥҥа олоҕуран, миэдиктэргэ таҥастарын маннык өҥүнэн араарарга этиллэр:
- тэрилтэ салайааччыларыгар уонна дьаһайар састаапка фиолетовай өҥнөөх форманы кэтэргэ сүбэлииллэр;
- быраастарга — хараҥа от күөҕэ;
- орто мэдиссиинэ үлэһиттэригэр — сырдык от күөҕэ;
- алын мэдиссиинэ үлэһиттэригэр — лавандалыы — дыргыл өҥнөөх;
- мэдиссиинэ көмөтүн быһаччы оҥорбот административнай үлэһиттэргэ — халлаан күөҕэ;
- хаһаайыстыбаннай сулууспаҕа, тэхиниичэскэй исписэлиистэргэ уонна IT-салаа үлэһиттэригэр — сиэрэй.
Судаарыстыбаннай Дуума Бэрэссэдээтэлин санаатынан, «кэлэктииби идэтинэн уонна үлэтинэн араартаан таҥыннарар сыыһа». Атын өттүнэн, «үрүҥ халааттаах быраас уобараһа үйэлэр тухары олохсуйбута, ону алдьатыа суохха наада», – диэн кини бэлиэтээтэ.
Кини этэринэн, маннык быһаарыныылары ылынарга, бастатан туран идэлээхтэр түмсүүлэрин кытта дьүүллэһиэххэ наада. Вячеслав Володин түмсүү бэрэстэбиитэллэрин өйөбүлүн ылан баран, олохтоохтортон туоһуласта. Бу этиини кинилэр эмиэ сөбүлэстилэр: МАХ-ка кэпсэтии кыттыылаахтарын баһыйар үксэ үрүҥ халаат туһугар куоластаатылар.