Билиҥҥи кэмҥэ дойдулар кыраныыссалара аһаҕас буолан, айан киһи бэйэтин ис дууһатын көрдөнүүтүгэр кубулуйбут кэмигэр, Саха сирэ саамай сыаналааҕы — тыытыллыбатах айылҕаны кытта алтыһыыны бэлэх уунар.
Саха Өрөспүүбүлүкэтин Сайдыытын корпорацията уонна активнай сынньалаҥҥа аналлаах таҥаһы тигэр биллиилээх «Учур» бренд стратегическай дуогабар түһэристилэр. Уопсай сыаллара — өрөспүүбүлүкэ туризмын аан дойду ырыынагар таһаарыы, Саха сирин экстремальнай туризм билиниллибит киининэн оҥоруу.
Биисинэс технология уонна үгэс холбоһуута. Куртка хас биирдии тигиитэ Сир саамай тымныы усулуобуйатыгар тыыннаах хаалыы устуоруйатын кэпсиир, оттон хас биирдии турист маршрута — күүс-уох төрдүгэр айан буолар.
Бырайыак үлэтэ олус судургу уонна көдьүүстээх. Саха сиринээҕи туркомпаниялар презентациялара «Учур» бренд баар аан дойдутааҕы былаһааккаларыгар тахсыахтара. Сотору кэминэн Астана куоракка бренд маҕаһыыныгар «Саха сиринэн турдар» диэн информационнай стойка арыллыаҕа.
Өймөкөөн тымныытын тулуйбут куртканы атыылаһан, килийиэн боростуой турфирмаҕа атыыламмат ураты уопуту ылар кыахтанар. Сайдыы корпорацията Саха сирин уратытын көрдөрөр угуйук матырыйаалларын бэлэмнииргэ олохтоох туроператордары кытта сөбүлэһиилэргэ илии баттаан эрэр.
Саха дьонугар айылҕа — баай-дуол эрэ буолбатах. Манна тымныыны кытта биир тылы булан, күүһүн ытыктаан эрэ тыыннаах хаалыахха сөп. Хампаанньа Соҕуруу Америка, Канада уонна СНГ дойдуларын ырыынагар тахсыбыт бастакы саха маарката буолла.
Кинилэр бородууксуйалара Саха сирин тоҥуу хаарыттан саҕалаан Африка куйаарыгар диэри — 80 кыраадыс уларыйыытын тулуйда. Ити хоту дойдуга айыллыбыт технологиялар ханна баҕарар барсалларын туоһулуур.
«Биһиги аан дойду таһымыгар тахсыыбыт — биисинэһи кэҥэтии эрэ буолбатах. Бу биһиги сорукпут (миссиябыт). Биһиги Хоту дойду тыынын аан дойдуга таһаарабыт. Канада булчута эбэтэр Соҕуруу Америка айанньыта биһиги таҥаспытын кэттэҕинэ, кини Сир шаарын саамай тымныы, кытаанах айылҕатын кытта алтыһан олорбут норуот философиятыгар сыстар. Биһиги таҥаһы эрэ буолбакка, эрэллээх буолууну уонна хотугу көрүүнү экспортыыбыт», — диэн «UCHUR» бренди төрүттээччи Юрий Большаков бигэргэтэр.
Саха сирэ — экстремальнай туризм саҥа Мекката
Бырайыак сыала-соруга атыы-эргиэн эрэ хааччаҕынан муҥурдаммат. Сүрүн сыал — Саха сирин дьоҥҥо аан дойдутааҕы киинин быһыытынан көрдөрүү. Муус үрдүгэр муҥха, чубукуга булт, киһи атаҕа үктэнэ илик хайа чыпчаалларыгар дабайыы — бу маршруттар билигин аан дойду дьонугар барыларыгар аһаҕас буолуохтара.
Бу сойууска хампааньа соруга чуолкайдык иһиллэр: «Ханнык баҕарар килиимэт усулуобуйатыгар киһини көмүскүүргэ хотугу уопуту уонна аныгы технологиялары дьүөрэлээһин, ону тэҥэ бренд нөҥүө Саха сирин күүһүн уонна кэрэтин аан дойдуга арыйыы».
Цифровай трансформация, uchur.kz платформаны үлэҕэ киллэрии уонна сүрүн саайты саҥардыы бу күүстээх хардыыга олук буоллулар. Ол эрээри саамай сүрүнэ — итэҕэл. Саха бренэ тас дойдуга интэриэһэ олус күүскэ улаатар. Маннык көҕүлээһиннэр түмүктэригэр өрөспүүбүлүкэ outdoor-индустрия (айылҕаҕа сылдьыы) эйгэтигэр компетенциялар, дизайн уонна үрдүкү технологиялар кииннэрин быһыытынан биллэрэр.
Сыл түмүгүн таһааран, Юрий Большаков маннык бэлиэтээтэ: «Биһиги хампааньабыт олохсуйбут өйдөбүллэри уларытарынан киэн туттабын. Саха сирэ сир баайын хостуур эрэ эрэгийиэн буолбакка, үрдүкү технологиялар уонна дизайн киинэ буолуон сөбүн көрдөрдүбүт… Биһиги сыалбыт — Сир шаарын хас биирдии муннугар: өскөтүн таҥаска “UCHUR” бэлиэ баар буоллаҕына, бу тугу барытын тулуйуоҕа диэн билэллэрэ».
Диана Сивцева