Дьокуускайга SMART-поликлиника тутуута түмүктэннэ, ол 50 тыһыынча кэриҥэ олохтоох дьоҥҥо үрдүк технологиялаах мэдиссиинэ көмөтүн оҥорорго кыах биэриэҕэ диэн Ил Дархан Айсен Николаев быһа эпииргэ эттэ.
Дьокуускай куорат Гагаринскай уокуругар тутуллубут SMART-поликлиника уопсай иэнэ 8,8 тыһыынча квадратнай миэтэрэттэн тахса, симиэнэҕэ 600 киһи көрдөрөрүгэр аналлаах. Поликлиникаҕа улахан дьон уонна оҕо поликлиникалара, ону таһынан дьахталлар консультациялара бааллар. Алта этээскэ күнүскү стационар, лаборатория, чөлүгэр түһэрэр эмтиир отделение, суһал көмө кэбиниэтэ уонна бэйэтин колл-киинэ баар буолуохтара.
Сүрүн корпустуун кэккэлэһэ 6 суһал көмө массыынатыгар анаммыт бокс тутуллубут, онно эспланаданан чугаһыахха сөп. Ыарыһахтар массыыналарын туруоралларыгар аналлаах 33 массыынаҕа анаммыт тохтуур сир оҥоһуллубут.
Экспертнай кылаастаах 732 сүрүн мэдиссиинэ оборудованиелара, ол иһигэр магнитно-резонанснай уонна компьютернай томографтар, ультразвуковай систиэмэлэр, рентген, маммограф, эндоскопическай уонна флюорографическай тэриллэр таҥыллыбыттар.